Герман хэл сурах хэцүү байна уу ?

Хэл сурах тийм амар биш ээ. Зүгээр сууж байгаад хэл сурчихдаг юм биш. Бяцхан зөвөлгөө өгье: Герман хэл сурах гэж байгаа бол

1. Эхлээд маш сайн зөв дуудлагатай уншиж сурах хэрэгтэй. Уншиж сурахгүйгээр цаашаа явах боломжгүй тул үүнд ач холбогдол өгөх хэрэгтэй.

2. Өгүүлбэрийн бүтэцийг сайн ойлгох. Монгол хэлний үйл үг хамгийн ардаа байдаг бол, Герман хэлний үйл үг ихэвчлэн өгүүлбэрийн 2- аар байранд тухайн эзэн бие дээр ямар цаг дээр бичигдэж байгаагаас хамааран байрлана. Жишээ нь: Би германруу 9 сард явна. Энэ бол монгол өгүүлбэр. Герман хэл дээр энэ өгүүлбэрийг буулгах бол сэтгэлгээгээ жаахан өөрчлөөд гол зорилгоо хэлж сурах хэрэгтэй. Жишээ нь: Би явна 9 сард Германруу. Би уулзана өнөө орой найзтайгаа гэх мэт. Гэхдээ энэ янзаараа сэтгээд монгол хэлээрээ буруу яриад хэвшиж болохгүй шүү.

3. Ярьж сурмаар байвал анхан шатнаас эхлээд тухайн түвшинд тохирсон сонсгол хийх, анхан шат сурч байж хэзээ ч битгий B2 түвшиний мэдээ сонс, учир нь анхан шатны мэдлэгтэй мөртлөө гүнзгий түвшиний мэдээ сонсоод байвал ойлгохгүй зүйл их гарч сэтгэлээр унах явдал байдаг. Харин тухайн түвшин болон дараах түвшиний сонсох материал дээр ажиллавал мэддэг үгс сонсогдож улам урамшиж суралцах хүсэл ундарна.

4. Харилцан яриа орчуулах түүнийгээ монгол текстээр нь цээжлэн буцаагаад герман дээрээ төсөөлөн ярих дадлага хийх. Энэ маш тустай байдаг шүү. Үгийг хэзээ ч битгий дангаар нь цээжил, болж өгвөл өгүүлбэрээр нь цээжилвэл хэд дахин хурдан ярьж сурна.

5. Яаж үг цээжлэх вэ? Шалгарсан арга бол уйгагүй орчуулга хийх, Орчуулга хийснээр хүн хайж байгаа мэдэхгүй үгээ амандаа дахин дахин давтаж боддог тул цээжлэх боломж хэд дахин өндөр болдог.

6. Дуртай зүйлээрээ youtube blog үзэх, сонсох энэ нь маш тустай учир нь өдөр тутмын яриа хар яриа маш их хэлэгддэг учир хурдан ярьж сурна.

7. Өдөр бүр дор хаяж доод тал нь 2 цагийг герман хэлэндээ зарцуулах хэрэгтэй. Та эдгээрийг мөрдөж хэрэгжүүлж чадвал Та нэг мэдэхэд л өөрийн хүссэн түвшиндөө хүрэх болно.

8. Эцэст нь хэлэхэд тархины тосоо гоожуулахгүйгээр, цаг гаргаж суухгүйгээр хэзээ ч ямар нэгэн хэл хялбар сурна гэж байдаггүй юм шүү. Тогтмол оролдлого таны зорилгод хүргэх болно.

Зөвөлгөө өгсөн: Д.Баярмаа 1-6 сарын дотор энэ аргачлалаар В2 түвшинг хангаж байсан юм шүү

1. Дүрэм зөрчихгүйн тулд тоглох хэрэгтэйГерман улс иргэдийнхээ аюулгүй байдалд ихээхэн анхаарал хандуулдаг учир заримдаа маш хачирхалтай гэмээр санаачилгуудыг гаргах нь бий. Явган хүний зарим гарцан дээрх шонд "Пинг-понг" тоглоомын төхөөрөмжийг суурилуулсан байдаг бөгөөд энэхүү тоглоом улаан гэрэл асах үед идэвхиждэг гэнэ. Нэг талаас энэ нь иргэдийг улаан гэрлээр зам гарахгүй байх нөхцөлийг бүрдүүлж өгдөг байна.
2. Хамгийн эелдэг цагдаагийн ажилтнуудГерман цагдаа нар ард иргэдийнхээ дунд маш их нэр хүндтэй. Саяхны хийсэн нэгэн судалгаанаас харахад германчууд ажил олгогч, эмч нараасаа илүү цагдаа нарт итгэдэг гэнэ
3. Шар айрагны диваажинГерман улс шар айргаараа дэлхий даяар алдартай. Тиймдээ ч тус улсын иргэд жилд найман тэрбум литр шар айраг хэрэглэдэг бөгөөд 5500 төрлийн шар айрагнаас сонголтоо хийх боломжтой байдаг. Үүнээс гадна энэхүү согтууруулах ундааг хүссэн газраа хэрэглэж болдог гэнэ шүү.
4. Цаг баримтлахдаа гаргуудЭнэ бол худал, цуу яриа биш бөгөөд германчууд цаг баримтлах тал дээр гаргууд гэнэ. Гэхдээ зарим тохиолдолд нийтийн тээврийн хэрэгсэл цагаасаа хоцрох тохиолдол гардаг аж. Нэг хүн өөрийн цахим хуудастаа Германы төмөр замын удирдлагаас ирсэн захидлын талаар хуваалцсан байна. Галт тэрэг дөрвөн цаг хугацаанаасаа хожимдсон учир Германы төмөр замын удирдлага түүнээс уучлалт хүссэн захидлыг жигнэмгийн хамт түүнд илгээсэн аж.
5. Улаан тэмдэглэгээ гол руу хүргэнэГерманы гудамжинд төрөл бүрийн өнгөтэй гудамжны тэмдэглэл байдаг гэнэ. Өнгө тус бүр тодорхой утга агуулгатай бөгөөд жишээ нь улаан тэмдэглэгээ ойр байгаа голыг заадаг байна.
6.  Зөвхөн бүсгүйчүүдэдГерманд бүхий л зүйлийг хялбарчлахыг хичээдэг. Жишээлбэл, худалдааны төвийн авто зогсоол дээр зөвхөн эмэгтэйчүүдэд зориулсан тусгай зогсоол байдаг. Энэ нь дэлгүүр рүү орох хаалгатай илүү ойр байрладаг байна.
7.  Мөрөөдлийн талбайГерманд хүүхдийн тоглоомын талбай үнэгүй байдаг учир хүүхдүүдийн хувьд мөрөөдөл нь жинхэнэ утгаараа биелдэг гэнэ. Энэ төрлийн тоглоомын талбай бүх хотод нь байрлах бөгөөд жилийн дөрвөн улиралд аюулгүй тоглох боломжтой.
8.  Унадаг дугуй унахын тулд эрхийн бичиг авдагДунд сургуулийн дөрөвдүгээр ангиас эхлэн хүүхдэд унадаг дугуйны дүрмийн болон дадлагын хичээлийг цагдаа нарын хяналтан дор явуулдаг аж. Энэ хичээл нь сургуулийн хичээлийн хөтөлбөрт албан ёсоор багтдаг. Хүүхдүүд анхны тусламж, унадаг дугуйны бүтэц, аюулгүй байдлыг хамгаалах талаар суралцдаг. Ингээд хичээл дууссаны дараа сурагчид шалгалт өгч, унадаг дугуй унах эрхийн бичгээ авдаг байна. Энэхүү эрхийн бичгээ биедээ байнга авч явж, унадаг дугуйн тусгай зориулалтын замаар явах ёстой аж. Хэдийгээр хүн бүрт ийм эрхийн бичиг байдаггүй ч ихэнх нь сургуульд сурч байхдаа авдаг гэнэ.
9. Захиалгаар хулгай хийхСүүлийн үед Германд нэгэн шинэ төрлийн бизнес эрчээ авсан байна. Дэлгүүрийн эзэн ямар нэгэн бараа алга болж байгааг анзаардаг ч хэрхэн алга болж байгааг мэдэхгүй байгаа бол “Захиалгаар хулгай хийх” байгууллагад ханддаг аж. Энэхүү байгууллагын мэргэжлийн ажилтан дэлгүүрт орж ирж хулгай хийгээд дэлгүүрийн эзэнд юунд анхаарал хандуулах хэрэгтэй талаар зөвлөгөө өгдөг гэнэ.
10. Эрчүүдэд зориулсан төв Германы ихэнх дэлгүүрт хүүхдүүдэд зориулсан тусгай өрөө байдаг. Харин Гамбургт эрчүүдэд зориулсан амралт, чөлөөт цагаа өнгөрүүлэх төв байдаг гэнэ шүү. Хэрвээ таны нөхөр шоппинг хийх дургүй бол та нөхрөө энэ төвд үлдээх боломжтой. Ийнхүү нөхрөө үлдээхэд долоон евро зарцуулдаг байна. Тус төвд таны нөхөрт өдрийн хоол болон хоёр шил шар айргийг санал болгоно. Харин оройн 18.00 цагт бүсгүйчүүд ачаагаа зөөлгөхийн тулд ирж нөхрөө авдаг байна.

Герман улсын тухай сонирхолтой 10 баримт

Нийслэл хот: Берлин
Хүн амын тоо: 89.02 сая (2019)
Албан ёсны хэл: Герман хэл
Мөнгөн тэмдэгт: Евро (EUR)
Сонирхолтой 10 баримт:

1. Германы авто замын 65% орчимд нь хурдны хязгаарлалтгүй ба 100-130 км/цаг хурдтай явж болно.
2. Герман улс нь шар айргаараа дэлхийд алдартай. Жил бүрийн 10 сард Октоберфест хэмээх шар айргийн фестиваль болдог. 2 долоо хоногийн хугацаанд үргэлжлэх энэхүү фестивалиар ойролцоогоор 6 сая шар айраг хэрэглэдэг.
3. Зоогийн газар, 24/7 цагийн дэлгүүр, шатахуун түгээх станцаас бусад бүх газрууд Ням гаригт хаалттай байдаг. Бүтэн 7 хоног ажиллахгүй байх үүднээс ням гаригт амрах өдөр болгож хуульчилсан.
4. Герман улсын нутаг дэвсгэрийн гуравны нэг хэсэг нь ой модоор бүрхэгдсэн. Мөн олон үзэсгэлэнт нууруудтай.
5. Германчууд анх сонин, сэтгүүлийг хэвлэсэн. 6. Герман улс Герман улсын тухай Герман улс
Германд жил бүр Дэлхийн II дайны 5500 орчим бөмбөг илрүүлж, аюулгүй болгодог. Энэ нь өдөрт дунджаар 15 бөмбөг аюулгүй болгодог гэсэн үг юм.
7. Герман улс бол зайдасны эх орон гэдгээрээ алдартай бөгөөд жилд ойролцоогоор 800 сая зайдас иддэг. 1000 гаруй төрлийн зайдас үйлдвэрлэдэг.
8. Германд 400 гаруй амьтны хүрээлэн байдаг. Дэлхийд хамгийн олон амьтны хүрээлэнтэй улсаар тооцогддог.
9. Дэлхийд хамгийн түгээмэл заагддаг гуравдагч гадаад хэл бол герман хэл юм.
10. Германчууд 1916 онд зуны цагийн хуваарийг анх нэвтрүүлсэн.