2023 оны 1 дүгээр сарын 1-нээс амьжиргааны хэмжээ нэг сарын 934 Евро, нэг жилийн 11208 Евро болж нэмэгдсэн.  Энэ нь 2022 оны 10 дугаар сарын 1-нээс  хойш Германд их/дээд сургуульд сурах зорилгоор виз мэдүүлэх бол амьжиргааны баталгаа болох хязгаартай ашиглах дансандаа 11208 Евро байршуулсан байх ёстой гэсэн үг юм.

АНХААРАХ ЗҮЙЛ: Герман дахь Гадаадын Иргэн Харьяатын газар Танд оршин суух зөвшөөрөл олгох, оршин суух зөвшөөрлийг сунгахад нэмэгдсэн хэмжээгээр амьжиргааны баталгааг шаардана. Таны дансанд амьжиргааны хэмжээнд хүрэхүйц үлдэгдэл байхгүй бол Танд оршин суух зөвшөөрөл олгохгүй, сунгахгүй бөгөөд Та сургуульдаа үргэлжлүүлэн сурах боломжгүй болно. 

Эх сурвалж

https://ulan-bator.diplo.de/mn-mn/%D0%B2%D0%B8%D0%B7%D0%B8%D0%B9%D0%BD-%D0%B1%D0%BE%D0%BB%D0%BE%D0%BD-%D0%BA%D0%BE%D0%BD%D1%81%D1%83%D0%BB%D1%8B%D0%BD-%D2%AF%D0%B9%D0%BB%D1%87%D0%B8%D0%BB%D0%B3%D1%8D%D1%8D/visa-einreise/-/1807084

Холбооны Бүгд Найрамдах Герман улсад

Барилгын Мэргэжлийн боловсролын сургалтад 2025 онд хамрагдах мэдээлэл

Холбооны Герман улсад барилгын мэргэжил сонирхож байгаа танд энэ өдрийн мэндийг хүргэе.

Герман хэлний "Эртифолг" сургалтын төв нь өөрийн үйл ажиллагааны хүрээнд ХБНГУ-д Барилгын мэргэжлийн боловсрол эзэмших сургалтанд Монгол улсаас залуус, сонирхогч нарт хамрагдах боломжийг төслийн ажлын хүрээнд өөрийн түнш, төлөөлж буй “Bau Bildungs Sachsen, Bau Bildung Sachsen-Anhalt” ба “Berufsförderungswerk der Bauindustrie NRW” нартай хамтран хэрэгжүүлж байна. Бидний зүгээс уг хөтөлбөрт хамрагдаж Герман улсад барилгын мэргэжилээр суралцах, төгссөнөөс хойших үйл явцын талаар мэдээлэл хүргүүлж байгаадаа баяртай байна.

Уг хэрэгжиж байгаа хөтөлбөрийн зорилго нь Герман улсад барилгын мэргэжил эзэмших зорилготой, тууштай залуусыг элсүүлж Герман хэлийг өөрсдийн сургалтын өвөрмөц арга барилаар заах, барилгын мэргэжлийн Герман хэл заах, ажлын ярилцлага, олон улсын Герман хэлний шалгалтанд бэлтгэх үндсэн зорилгод чиглэх юм.  Мөн үндсэн чиглэлүүдийн чухал нэгэн хэсэг бол Герман улсын мэргэжлийн сургуулиудын зүгээс Монгол залуучуудад сургалтын боломжийг Герман улсад Монгол талаас сонирхож буй хүмүүст бүрдүүлж өгөх, дадлагын Аж Ахуй Нэгж олох, ажлын ярилцлага зохион байгуулах гэх мэт үүргүүдийг тус бүр хамтран хүлээж, төсөл хэрэгжүүлж байна.

Уг хөтөлбөрт танд хамрагдахад ямар шаардлага тавигдах вэ ?

Герман улсад /Аусбилдүнг/-буюу Мэргэжлийн боловсролын сургалтанд хамрагдахад дараах шаардлагууд танд тавигдах болно.

Үүнд :

1.       Насанд хүрсэн байх / 18 – 40 нас /

2.       Бүрэн дунд боловсрол эзэмшсэн байх / 12 жилийн ерөнхий боловсрол хангасан байх /

3.       "Барилгын Политехник Коллеж" эсвэл "Техник Технологийн Политехник Коллеж"-ийн оюутан байвал давуу тал болох ба хэрэв та оюутан биш бол тус чиглэлийн тодорхой мэдлэгтэй байх мөн тус хөтөлбөрт хамрагдах эрмэлзлэл өндөр байхад хангалттай.

4.       Барилгын мэргэжилээр суралцах, Герман улсад цаашид өндөр цалинтай тогтмол ажиллаж, амьдрах сонирхолтой байх

5.       Герман хэлийг суралцах эрмэлзлэлтэй байх / Герман хэлний В1-В2 Түвшин эзэмших / Хэрэв та Герман хэлний мэдлэггүй бол тус хөтөлбөрт бэлтгэх манай жилийн ангийг сонгон суралцаад хамрагдах бүрэн боломжтой. 

6.       Өөр ямар нэгэн мэргэжил эзэмшсэн эсвэл албан бус хэлбэрээр барилгын чиглэлээр суралцсан байх

Хэрвээ та дээрх шаардлагуудыг биелүүлэх боломжтой байвал уг төсөлд хамрагдах бүрэн боломжтой байна.

Бидний зүгээс хэрэгжүүлж буй төслийн мэргэжлүүд нь жил бүр өөрчлөгддөг ба тухайн зорьж буй жилийн элсэн суралцах мэргэжлийн чиглэлүүд нь жил бүр шинээр тодорхойлогдоно.

2025 оны шинэ хичээлийн жилд бид 

*Бетон арматур, Зам-гүүр, Өрөг угсрагч, Хангамжийн төв шугамын байгуулалт /Хэрэглээний ус/, Ариутгах татуургын шугам сүлжээ, Хуурай хийц /Гипсэн хийц – цөөн тоотой/ мэргэжлүүдээр тус тус элсэлт авч байна.

Герман улсад Мэргэжлийн боловсролоор суралцах үйл явц нь гурван үндсэн байгууллагын дунд хэрэгждэг үйл явц юм.

Герман улсын Мэргэжилийн боловсролын онцлог юу вэ ?

ХБНГУ – Мэргэжилийн боловсролын сургалт нь Duale Ausbildung – буюу монгол хэлээр хосолмол сургалт гэдгээр сургалтын тогтолцоо нь бусад улс орны сургалтаас онцлог, давуу талтай байдаг. Энэ нь энгийнээр МБС-сургалтанд хамрагдаж буй оюутан, залуус нь мэргэжил эзэмших сургалтанд хамрагдахын зэрэгцээ хослуулсан хэлбэрээр үйлдвэр дээр үйлдвэрлэлийн дадлаг хариуцсан багш, сургах үүрэг хүлээсэн Мастер гэх мэт албан тушаалтны удирдлагаар Аж Ахуй Нэгжийн үйлдвэрлэлийн ажилд бодит байдлаар гар бие оролцон ажиллаж байгааг хосолмол сургалтын систем гэнэ.

Сургалтын тэтгэмж гэж юу вэ ?

Герман улсын хосолмол сургалтын түрүүнд үнэлэгдэх давуу тал нь мэргэжлийн бус, өөр мэргэжилээс хөрвөж шинээр мэргэжил эзэмшиж байгаа аливаа суралцагчид сар бүр нийт 3 жилийн хугацаанд суралцах үед тэтгэмж олгодог давуу талтай. Уг тэтгэмжийг таны ажлын ярилцлагаа амжилттай гүйцэтгэсэн дадлагажуулагч ААН/аж ахуй нэгж/ -танд олгоно. Энэ нь мэдээж эхний жилдээ арай бага дараа дараагийн жилээс тухайн суралцагчийн мэдлэг, дадлага, ур чадвар ихсэхийн хирээр нэмэгддэг зарчимтай. Тэтгэмжийн хэмжээ нь ямар дүнтэй байх нь сонгосон мэргэжил, ААН-ын нөөц бололцоо гэх мэт хүчин зүйлсээс хамааралтай байна.

Барилгын мэргэжилийн сургалтад хамрагдаж буй жилээс хамаарах тэтгэмж нь доор үзүүлсэн байдлаар хэлбэлзэх боломжтой юм.

нэгдүгээрх жилд сар бүр 850 – 950 Ёвро

хоёр дугаарх жилд сар бүр 950 – 1100 Ёвро

гурав дугаарх жилд сар бүр 1100 – 1300 Ёвро

Барилгын мэргэжилээр суралцах үйл явц ямар шат дараалалтай байх вэ ?

Барилгын мэргэжлийг сургалтыг Герман улсад 3 төрөлд хувааж үздэг.

1.       Хөрснөөс дээш барилга

2.       Хөрснөөс доош барилга

3.       Барилгын өргөтгөл

Жишээлбэл бидний зүгээс санал болгож буй зам, барилгын мэргэжил нь хөрснөөс доош барилгын сургалтад хамаарна. Аль ч суралцагч нь 2 жил Мэргэжилийн сургалтад хамрагдсаны дараагаар дээрх гурван ерөнхий мэргэжилээр суралцаж, явцын шалгалт өгч ерөнхий мэргэжилээр төгсөж ажлын байранд гарах бүрэн боломжтой. Мөн гуравдах жил үргэлжлүүлэн суралцаж нарийн мэргэжлийн сургалтанд хамрагдаж мэргэжлийн ажилтан болох бүрэн бололцоотой. Мэдээж төгсөх улсын шалгалт өгч мэргэжилийн гэрчилгээ олгогдоно. Уг гэрчилгээ нь тухайн ажилтанг мэргэжлийн ажиллах хүчин гэж баталгаажуулах ба ХБНГУ-ын бүх холбооны улсад бүрэн эхээр хүлээн зөвшөөрөгдөнө.

Төгссөнөөс хойш ямар боломж бололцоо бий болох вэ ?

Сургалтанд амжилттай хамрагдаж мэргэжлийн гэрчилгээний шаардлагыг ханган, онол ба дадлагын шалгалтанд хамрагдсанаар та Герман улсын сургалтын системээр боловсорсон барилгын мэргэжилтэн болно. Төгссөнөөс хойш өөрийн дадлагажуулагч Аж Ахуй Нэгж дээр үргэлжлүүлэн өөрийн хөдөлмөрийн гараагаа үргэлжлүүлэх бүрэн боломжтой эсвэл өөрийн хүсэл сонирхолоор өөр ААН-рүү шилжин хөдөлмөр эрхлэх боломж бий. Гэхдээ мэдээжийн хэрэг мэргэжлийн ажилтаны жишиг цалин ямар байна, Германд хөдөлмөр эрхэлж буй хүн ямар татвар, шимтгэл өгөх тэр бүр танд герман улсын иргэнтэй адил үйлчлэх болно.

Герман хэлний сургалтанд хэрхэн хамрагдах вэ ?

Манай байгууллага нь уг хөтөлбөрт зориулж хамтрагч монгол байгууллагуудаас элсэн суралцаж байгаа оюутан, төгсөгч, залуусд зориулж герман хэлийг төсөл хэрэгжүүлэгч монгол талын хариуцлагын хүрээнд байнга зохион байгуулж байна. Нэг ангид дээд тал нь арван суралцагч байх бөгөөд нэг долоо хоногийн гурван удаагаар байгалийн 2 цаг буюу академик 3 цагаар гүйцэтгэх болно. Хэлний сургалтын хувьд бид олон жилийн туршлагатай ба бусад сургалтаас барилга, техник, технологийн тал дээр олон жилийн орчуулга, сургалт, төсөл хэрэгжүүлсэн давуу талуудаа мэдээж сургалтандаа холбож, уялдуулдаг. Хэрвээ та Герман хэлний мэдлэгтэй /В1/ тэй бол манай энэ хөтөлбөрт шууд хамрагдах бүрэн боломжтой.

Манай төслийн үйл явц ба амжилт

Бид 2024 оны 6 сараас эхлэн 2024 оны мэргэжлийн сургалтанд хамрагдах хүсэлтэй залуусыг сургалтанд хамруулсан бөгөөд энэ үеээс хойш герман хэлийг амжилттай суралцаж, шалгалтанд хамрагдаж, ажлын шийдвэрлэх ярилцлаганд оролцлоо.  Нийт суралцагчид бүгд ажлын ярилцлаганд тэнцэж бүгд ажлын гэрээгээ хүлээх, Улаанбаатар хотод суугаа ХБНГУ-ын Элчин сайдын яаманд виз мэдүүлэх ажлын үйл явц дээр төвлөрөн ажиллаж байна.

Мөн 2024 оны 4 сард Герман дахь мэргэжилийн сургуулиудын төлөөлж буй сургалтын төвийн Герман захиралууд манай сургалтын төв дээр хүрэлцэн ирж ирээдүйн суралцагч нартайгаа герман хэл дээр бодит ярилцлага хийж, асуулт хариулт өрнүүлж, цаашдын суралцах үйл явцад амжилт хүссэн баримтуудыг зургаар танд харуулж байна.

Хэрвээ та тус хөтөлбөрт хамрагдахыг хүсвэл +976-9496117 утсаар холбогдох болон +976-99187138 whatsapp аар шууд бүртгүүлэн цаг тохирч элсэх боломжтой.

Өөрийн сонирхол, ирээдүй нь төлөө цаг гаргаж бидний бэлтгэсэн ерөнхий мэдээлэлийг уншиж сонирхосон танд баяралалаа. Энэ файлаар танд Герман улсад Барилгын мэргэжилээр элсэн суралцах бага ч болов ойлголт өгсөн гэж итгэж байна. Хэрвээ та сургалтын талаар нарийн мэдээлэл авахыг хүсвэл бидэнтэй холбоо барьж цаг тохирон биечлэн уулзаж мэдээлэл авах боломжтой ба бид танд зөвлөгөө өгөхөд бэлэн байна.

Мөн та ertiefolg.kom.mn сайтаар сүүлийн үеийн дэлгэрэнгүй мэдээлэл авах боломжтой.

  Бид 2024.05.3 нд Барилгын политехник коллеж дээр ХБНГУ-ын Барилгын салбарын мэргэжлийн сургуулиудтай "Барилгын Политехник Коллеж", "Вau Bildungs Sachsen e.V", "Berufsförderungswerk der Bauindustrie NRW" гадаад харилцааны хамтын ажиллагааг эхлүүлж санамж бичиг байгууллаа.

 Германы Барилгын салбарын мэргэжлийн сургуулиуд болох Bau Bildungs Sachsen e.V", "Berufsförderungswerk der Bauindustrie NRW"-aac Др.Штрэлэ, Др.Гарстка ба Ноён Валдох нар ХБНГУ-ын барилгын салбар, холбоодыг төлөөлж Коллежийн захирал Нямдуламтай албан ёсоор уулзаж, Монгол ба Герман улсын МБС–ийн салбар, Монголын суралцагчид ХБНГУ-д суралцах боломжийн талаар санал бодлоо солилцож ирээдүйн боломж, түншлэлийн талаар нээлттэй ярилцлаа.

  Энэ уулзалтын үеэр ойрын ирээдүйд Монгол улсаас ХБНГУ-д барилгын чиглэлээр элсэн суралцах боломж, бололцооны талаар зөвшилцсөнөөс гадна МБС-ын салбарын багш нарыг чадавхижуулах мэргэжил дээшлүүлэх сургалтын талаар ч мөн ярилцав. Тус уулзалтын үеэр "Герман хэлний Эртифолг" сургалтын төвийн гүйцэтгэх захирал Б.Тамир хоёр талын хооронд гүүр болж, бидний хамтран ажиллах саналыг өрнүүлэх үйл ажиллагаанд өөрийн хувь нэмрийг орууллаа. Түүнчлэн энэ намрын хөтөлбөрөөр барилгын мэргэжлээр явах суралцагчидтай биечлэн уулзаж нээлттэй яриа өрнүүллээ .

Ингэснээр манай гадаад харилцаа өргөжиж, бидний хийгээд суралцагчдын маань ирээдүйн боломж бололцоо, цаашлаад барилгын салбарт ихээхэн өөрчлөлт шинэчлэлтийн эхлэл тавигдаж байна.

1. Дэлхийн хамгийн алдартай, Германы хамгийн том захын нэг болох Нюрбергийн зул сарын зах дээр аяга глинтвейн ууж гар урлалын дурсгалт зүйл худалдаж авах хэрэгтэй.
   
   
2. Задгай пивоны Weihenstephan орох хэрэгтэй. Энэ газар нь Мюнхены ойролцоо, жижиг толгодын орой дээр байрласан эртний сүм юм. Энд 1040 онд байгуулагдсан буюу дэлхийн хамгийн эртний пиво исгэх газар бий.
   
   
3. 1892 онд баригдсан үлгэрийн гэмээр Нойшванштайн цайзад очиж үзээрэй. Энэ цайзыг Баварын Людвиг II барьсан ба энэ цайзаас Диснейлэндийхэн нойрсож буй гүнжийн цайзын санааг авсан гэдэг.
   
   
4. Мюнхен дэх Английн цэцэрлэгт хөл нүцгэн пиво уух гэдэг сайхан зугаа цэнгэл бий. Энэ олон нийтийн парк нь Нью-Йоркийн төв паркаас том бөгөөд энд нүцгэлэх, согтууруулах ундаа хэрэглэхэд ямар ч саад үгүй. Завь хөлсөлж юм уу жижиг мод бүхий ойгоор зугаалан задгай газар пиво ууж үзээрэй.
   
5. Германы хамгийн үзэсгэлэнт газар болох “Романтик зам”-аар ядаж нэг удаа явж үзэх хэрэгтэй ба энэ зам нь 420 км үргэлжлэхдээ жинхэнэ Германы соёл заншлыг таны өмнө дэлгэх хотуудаар дайрна. Та өтгөн ой, Альпийн нурууны бэлээр явах ба замдаа дундад зууны хэд хэдэн сүм, цайзтай дайралдана, дээр дурдсан Нойшванштайн ч бас таныг хүлээж байна.
   
6. Баде-Баден дахь халуун рашаанд дурлахгүй байна гэж үгүй. Бүр эртний ромчууд энэ рашааны эмчилгээний чанарыг мэддэг байсан ба одоо энэ газар дэлхийн хамгийн алдартай рашаан сувилалын нэг .
   
7. Тегернзее хэмээх сайхан нууранд завь хөлслөн зугаалах хэрэгтэй ба усан дээрээс Альпийн орчныг харна.
   
   
8. Мюхнений музейг үзэх хэрэгтэй ба энэ нь дэлхийн хамгийн эртний, хамгийн том шинжлэх ухаан-техникийн музейн нэг билээ. Энэ музейн санд хүний гараар бүтсэн тоолж барамгүй их гайхамшиг бий.

9. Шөнийн амьдралд дуртай хүн Берлиний Berghain клубт өглөө болтол бүжиглэж болно. Энэ бол энэ чиглэлийн дэлхийн хамгийн алдартай газар юм шүү. Магадгүй та орохын тулд олон цагийн дуугаарлалтанд зогсож болох ба эндхийн фэйсконтролын тухай үлгэр домог шиг зүйлс яригддаг.

10. Шницель заавал идэж үзэх хэрэгтэй. Энэ хоол маань Германчуудын үндсэн хоол бөгөөд мөн гайхан давсалсан мах, зайдас, шпецел, өвөрмөц гоймон, бяслагийг ч бас мартаж болохгүй.

А1.1 Түвшин

 Анхан шатанд юу үзэх вэ ?
- Герман хэлний Цагаан толгой
- Биеийн төлөөний үгс
- Дүрмийн болон дүрмийн бус Үйл үгсийн хувиргал, тэдгээрийн ангилал,
- Угтварууд
- Тийн ялгал
- Одоо цаг
- Өнгөрсөн цаг
- Төгс болон төгс бус өнгөрсөн цаг
- Ирээдүй цаг
гэх мэт А1 түвшинд шаардлагатай бүх үг хэллэг, дүрэм, яриа, сонсгол хосолж орно.

А1 түвшин маань А1.1 А1.2 гэж хуваагдах ба А1.1 1 сарын хугацаанд хичээллэнэ. 7 хоногт 3 удаа бүтэн 2 цагаар хичээллэнэ. А1.1 түвшин маань суурьгүй анхан шат буюу үсэгнээс нь эхлэн заах болно. Ингэснээр та Герман хэлний анхан шатны дүрэм үзэхээс гадна гадаад хэлийг эзэмшихэд зайлшгүй шаардлагатай үндсэн 4 чадвар болох Унших Ярих Сонсох Бичих чадваруудыг давхар хөгжүүлэх болно.

Анги дүүргэлт : 8

Төлбөр : 280,000₮

А2.1 Түвшин

А2.1 түвшин маань ахисан шат буюу анхан шатны А1.1 А1.2 түвшинд үзсэн дүрэм дээр тулгуурлан заах болно.Ингэснээр та Герман хэлний ахисан түвшний дүрэм үзэхээс гадна гадаад хэлийг эзэмшихэд зайлшгүй шаардлагатай үндсэн 4 чадвар болох Унших Ярих Сонсох Бичих чадваруудыг илүү хөгжүүлэх болно.А2.1 түвшин маань 1 сарын хугацаанд хичээллэнэ. 7 хоногт 3 удаа бүтэн 2 цагаар хичээллэнэ. 

Анги дүүргэлт : 8 

Төлбөр : 280,000₮

В1 Гёте бэлтгэл

Герман хэлний В1 түвшний анги нь Герман хэлний дунд түвшний хичээл нь болж өгдөг.Та В1 түвшинд суралцсанаар Герман, Австри улсад сурч, ажиллаж, амьдрах боломж нэгээр нэмэгдэж байна.

Дунд шатны В1 танхимын анги нь нийтдээ 5 н долоо хоногийн хугацаанд үргэлжилнэ. 7 хоногт 3 удаа бүтэн 2 цагаар эрчимжүүлсэн  хөтөлбөрөөр нийтдээ 15 н удаа хичээллэнэ. 15н удаагийн хичээлийн хувьд үндсэн 4 чадварууд дээр тулгуурлан Гёте шалгалтад бэлтгэнэ .

Анги дүүргэлт : max 12

Төлбөр : 380,000₮

1.Автомашин

Volkswagen, Audi, BMW, Mercedes Benz, Porsche зэрэг дэлхийн хамгийн алдартай автомашины үйлдвэрүүд бүгд Герман.

2.Түүхт нийслэл

Герман улсын нийслэл Берлин хотод олон алдартай түүх, дурсгал бий. Тэдгээрээс хамгийн алдартай нь Берлиний хана. Тус хана нь Берлин хотыг баруун, зүүн хэмээн хоёр хувааж байсан бөгөөд өдгөө жуулчдын хамгийн их очиж үздэг газруудын нэг юм. Берлиний хана нь зөвхөн үзэл суртлаар тусгаарлаж байсан төдийгүй ханыг давахыг оролдсон хэн ч амь насаа алдах эрсдэл дагуулж байсан билээ.

3.Октоберфест

Дэлхийн хамгийн том шар айрагны баяр болох Октоберфест нь Герман улсаас гаралтай бөгөөд бүтэн хоёр долоо хоног үргэлжилж, зөвхөн германчууд төдийгүй дэлхийн өнцөг булан бүрээс сая сая жуулчид зөвхөн тус баярт оролцохоор зорин ирдэг байна.

4.Үзэсгэлэнт цайзууд

Та алдарт Уолт Диснейн “Үнсгэлжин”, “Нойрсож буй гүнж”, “Цасангуа ба долоон одой” зэрэг хүүхэлдэйнүүдэд дуртай юу? Хэрэв та Диснейн бүтээлүүдэд дуртай бол Герман улс танд гарцаагүй таалагдах болно. Учир нь Германд байдаг олон үзэсгэлэнтэй цайз шилтгээнүүд Диснейн уран бүтээлчдийн онгодыг хөглөсөөр ирсэн аж.

5.Шар айраг

Германчуудын шар айрганд зарласан “хайр” Оросуудын “водка”-ндаа дуртайгаас ялгаагүй гэхэд болно. Гэвч Германчууд өөрсдийн үйлдвэрлэдэг 2500 гаруй төрлийн шар айргаа зөвхөн дөрвөн төрлийн бүтээгдэхүүнээс л гаргаж авахыг хуулиар зөвшөөрдөг аж. Гэсэн ч Европын өөр хаанаас ч олохгүй сайн шар айраг зөвхөн Германд бий.

6.Зул сарын мод

Германд жил бүр Зул сарын баяраар мянга мянган мод худалдаалагддаг. Германчууд гацуур модыг зүгээр л баярын чимэглэл болгон авахаас илүү 16-р зууны үеэс улбаатай заншлын дагуу байшингийхаа дээврийг чимэх гэж авдаг байна. Хамгийн анх Зул сараар гацуур мод чимэх уламжлал Герман улсад үүсчээ.

7.Зайдас

Дэлхийн хамгийн амттай зайдсыг зөвхөн Германд үйлдвэрлэдэг. Мөн сонголт ч ихтэй. Зөвхөн маханд дурлагсдад зориулсан 1500 орчим төрлийн сайн чанарын зайдас бий.

8.Герман талх, нарийн боов

Талх бол хамгийн түгээмэл хүнс. Германчууд бараг бүх зүйлийг талхтай хольж иддэг. Мөн Герман талхчид дэлхийн хаана ч маш алдартай. Үржил шимт хөрсөнд ургасан сайн чанарын гурилаар хийсэн шинэхэн талх үнэхээр янзтай биш гэж үү?

9.Хөлбөмбөг

Жилийн турш хөлбөмбөгийн стадион дүүргэлтээрээ Германыг гүйцэх улс дэлхийд алга байна. 1900 онд байгуулагдсан цагаасаа хойш Германы хөлбөмбөгийн шигшээ баг дэлхийн 4 удаагийн, Европын 3 удаагий аваргаар тодроод байгаа билээ.

10.Олон алдартны өлгий нутаг

Европын хамгийн завгүй, хөл хөдөлгөөн ихтэй хотууд Германд байдаг. Энэ хотуудаас, энэ улсаас, энэ агуу үндэстнээс дэлхийн өнцөг булан бүрт танигдсан олон арван алдартнууд төрөн гарсан юм. Нэр дурдвал, агуу эрдэмтэн Нобелийн шагналт, хөгжмийн суут зохиолчид болох В.Моцарт, Л.Бетховен, онолч Карл Маркс, зохион бүтээгч Рудольф Дизель, сүм хийдийн шинэчлэлтийг хийсэн Мартин Лютер гээд тоочоод баршгүй алдартнуудыг Германчууд төрүүлжээ. 20-р зууны хамгийн том гамшгийг эхлүүлсэн Адольф Хитлер ч бас герман үндэстэн юм.

Герман хэл сурах хэцүү байна уу ?

Хэл сурах тийм амар биш ээ. Зүгээр сууж байгаад хэл сурчихдаг юм биш. Бяцхан зөвөлгөө өгье: Герман хэл сурах гэж байгаа бол

1. Эхлээд маш сайн зөв дуудлагатай уншиж сурах хэрэгтэй. Уншиж сурахгүйгээр цаашаа явах боломжгүй тул үүнд ач холбогдол өгөх хэрэгтэй.

2. Өгүүлбэрийн бүтэцийг сайн ойлгох. Монгол хэлний үйл үг хамгийн ардаа байдаг бол, Герман хэлний үйл үг ихэвчлэн өгүүлбэрийн 2- аар байранд тухайн эзэн бие дээр ямар цаг дээр бичигдэж байгаагаас хамааран байрлана. Жишээ нь: Би германруу 9 сард явна. Энэ бол монгол өгүүлбэр. Герман хэл дээр энэ өгүүлбэрийг буулгах бол сэтгэлгээгээ жаахан өөрчлөөд гол зорилгоо хэлж сурах хэрэгтэй. Жишээ нь: Би явна 9 сард Германруу. Би уулзана өнөө орой найзтайгаа гэх мэт. Гэхдээ энэ янзаараа сэтгээд монгол хэлээрээ буруу яриад хэвшиж болохгүй шүү.

3. Ярьж сурмаар байвал анхан шатнаас эхлээд тухайн түвшинд тохирсон сонсгол хийх, анхан шат сурч байж хэзээ ч битгий B2 түвшиний мэдээ сонс, учир нь анхан шатны мэдлэгтэй мөртлөө гүнзгий түвшиний мэдээ сонсоод байвал ойлгохгүй зүйл их гарч сэтгэлээр унах явдал байдаг. Харин тухайн түвшин болон дараах түвшиний сонсох материал дээр ажиллавал мэддэг үгс сонсогдож улам урамшиж суралцах хүсэл ундарна.

4. Харилцан яриа орчуулах түүнийгээ монгол текстээр нь цээжлэн буцаагаад герман дээрээ төсөөлөн ярих дадлага хийх. Энэ маш тустай байдаг шүү. Үгийг хэзээ ч битгий дангаар нь цээжил, болж өгвөл өгүүлбэрээр нь цээжилвэл хэд дахин хурдан ярьж сурна.

5. Яаж үг цээжлэх вэ? Шалгарсан арга бол уйгагүй орчуулга хийх, Орчуулга хийснээр хүн хайж байгаа мэдэхгүй үгээ амандаа дахин дахин давтаж боддог тул цээжлэх боломж хэд дахин өндөр болдог.

6. Дуртай зүйлээрээ youtube blog үзэх, сонсох энэ нь маш тустай учир нь өдөр тутмын яриа хар яриа маш их хэлэгддэг учир хурдан ярьж сурна.

7. Өдөр бүр дор хаяж доод тал нь 2 цагийг герман хэлэндээ зарцуулах хэрэгтэй. Та эдгээрийг мөрдөж хэрэгжүүлж чадвал Та нэг мэдэхэд л өөрийн хүссэн түвшиндөө хүрэх болно.

8. Эцэст нь хэлэхэд тархины тосоо гоожуулахгүйгээр, цаг гаргаж суухгүйгээр хэзээ ч ямар нэгэн хэл хялбар сурна гэж байдаггүй юм шүү. Тогтмол оролдлого таны зорилгод хүргэх болно.

Зөвөлгөө өгсөн: Д.Баярмаа 1-6 сарын дотор энэ аргачлалаар В2 түвшинг хангаж байсан юм шүү